VENI, CREATOR SPIRITUS

pentecostes1

HIMNO DE PENTECOSTÉS

Veni, Creator Spiritus,

mentes tuorum visita.

Imple superna gratia

quae tu creasti pectora.

Qui diceris Paraclitus,

Altissimi donum Dei,

fons vivus, ignis, caritas,

et spiritalis unctio.

Tu septiformis munere,

digitus paternae dexterae,

tu rite promissum Patris,

sermone ditans guttura.

Accende lumen sensibus,

infunde amorem cordibus,

infirma nostri corporis,

virtute firmans perpeti.

Hostem repellas longius,

pacemque dones protinus,

ductore sic te praevio,

vitemus omne noxium.

Per te sciamus da Patrem,

noscamus atque Filium,

teque utriusque Spiritum

credamus omni tempore.

Deo Patri sit gloria,

et Filio qui a mortuis

surrexit, ac Paraclito

in saeculorum saecula.

Amen.

pentecostes2

ESCUCHAR AHORA

DESCARGAR AUDIO MP3

http://ar.ivoox.com/es/player_ej_11528894_4_1.html?c1=050505